星期日下午去左赤柱既聖誕市集，真?zhèn)S好多人。行左一陣就諗住搵地方坐下，所以上左赤柱廣場(chǎng)搵下有冇coffee shop可以坐陣。
?
入到赤柱廣場(chǎng)見(jiàn)到廣告牌指上4樓有waffle食，所以就沿著指示上左去。上到去發(fā)現(xiàn)間舖好細(xì)間，而門口又好多人，而大部份都係遊客，不過(guò)好在佢出面都有好多露天座位。一開(kāi)始見(jiàn)到 Waffleman 係知道佢有埋散水餅，係今次去赤柱先知原來(lái)佢有實(shí)體店賣比利時(shí)窩夫既。去到赤柱行到攰，就去買件waffle坐低食下嘆下。
買完野食，就搵位坐底左。食物方面，其實(shí)除左waffle，仲有雪糕pancake，我揀左玉桂蘋果新地窩夫。其實(shí)味道唔錯(cuò)既，蘋果不乾，配雪糕感覺(jué)良好。我諗個(gè)waffle不是預(yù)先整定，好夠熱！
?
飲品方面，都有好多選擇，竟然有黑糖珍珠鮮奶，完全估佢唔到。我揀左latte而朋友就揀左黑糖珍珠鮮奶。始終唔係coffee shop，所以我都無(wú)expect太多。latte係不淡，而黑糖珍珠鮮奶夠甜，味道當(dāng)然可以同而家買到周圍既專賣店比較！
呢家小店都有提供甜品到會(huì)同|散水禮物 ig，有窩夫棒、冬甩棒、曲奇、蝴蝶酥、貝殼蛋糕等等，個(gè)個(gè)都有獨(dú)立包裝好適合買一大堆，唔同地區(qū)買夠一定數(shù)量仲可以送貨上門，唔使特登過(guò)嚟赤柱買，而且接受急單，仲可以訂製寫上鬼馬散水餅字句的貼紙，打卡度爆燈。
?
赤柱來(lái)計(jì)，食物同飲品都唔錯(cuò)，加上環(huán)境好，室外既環(huán)境好舒服，感覺(jué)好空曠。坐係度飲杯野食個(gè)waffle，都係唔錯(cuò)既選擇。